Shkencëtarët në Japoni janë në delir ditët e fundit, pas zbulimit të një krijese, e cila sipas tyre mund të zbërthejë sekretin se si u krijua jeta në Tokë.
Një mikrob i çuditshëm i gjetur i varrosur thellë në baltën në brigjet e jugut të Japonisë, më në fund mund të zbulojë një nga misteret më të rëndësishme të evolucionit, duke ndihmuar shkencëtarët të kuptojnë se si format komplekse të jetës burojnë nga format fillestare.
Me emrin Prometheus – sinthroficum Prometheoarchaeum, mikrobi i zbuluar u gjet shumë afër sipërfaqes. Krijesa ishte e burgosur një kilometër nën sipërfaqen e oqeanit në një baltë të detit pranë gadishullit japonez Kii.
Mikrobi njëqelizor në formë sferike është i pajisur me gjymtyrë të gjata, të degëzuara, të cilat studiuesit kanë teorizuar për kapjen e mikroorganizmave të tjerë, siç janë bakteret. Por në vend që të gjuajnë këto “baktere mbështetëse”, qeniet mendohet se thithin mikroorganizmat e tjerë dhe me kalimin e kohës bëhen një formë unike e jetës gjatë periudhave të gjata të historisë evolucionare.
Biologët kanë dyshuar prej kohësh se një marrëdhënie e tillë simbiotike mund të shpjegojë shfaqjen e jetës komplekse, duke sugjeruar që mikrobet e thjeshta u bashkuan miliarda vjet më parë për të prodhuar struktura qelizore më komplekse.
Besohet se i njëjti proces krijoi “eukariote”, një kategori e gjerë organizmash komplekse që përfshijnë gjithçka duke filluar nga kërpudhat, bimët, insektet dhe kafshët, përfshirë njerëzit.
“Ne kemi dalë nga pyetja themelore se si jemi bërë si njerëz”, tha mikrobiologu Masaru Nobu nga Instituti Kombëtar i Japonisë për Shkencë dhe Teknologji Industriale të Avancuar, një nga autorët kryesorë të studimit.
