Fëmijët që kanë televizorë në dhomat e tyre të gjumit, kanë më shumë gjasa të jenë mbipeshë, dhe veçanërisht vajzat. Ky është rezultat i një studimi të shkencëtarëve të University College London.
Studimi analizoi të dhënat nga më shumë se 12,000 fëmijë të vegjël në Britani të Madhe.
Shkencëtarët zbuluan se më shumë se gjysma e fëmijëve kishin televizorë në dhomat e tyre në moshën shtatë vjeçare.
Prindërve iu kërkua gjithashtu që të vlerësonin sa orë në ditë fëmijët shpenzonin përgjithësisht televizor.
Më vonë, kur fëmijët ishin 11 vjeç, hulumtuesit bënë një vlerësim të lartësisë dhe peshës, duke shikuar përqindjen e yndyrës trupore.
Vajzat që kishin televizorë në dhomat e tyre në moshën shtatë vjeç kishin 30% më shumë gjasa që të ishin mbipeshë kur ishin 11 vjeç, krahasuar me fëmijët që nuk kishin televizorë në dhomat e tyre të gjumit.
Hulumtuesi Anja Heilmann, tha: “Studimi ynë tregon se ekziston një lidhje e fortë midis një televizori në dhomën e gjumit të një fëmijë të vogël dhe mbipeshës së tij disa vjet më vonë”.
Studiuesit thonë se nuk mund të jenë të sigurt përse ekziston lidhja midis TV dhe mbipeshës, por mendojnë se fëmijët mund të flenë më pak kur shikojnë televizorin në dhomat e gjumit ose në tavolinën e punës.
Prof Russell Viner, nga Kolegji Mbretëror i Pediatrisë dhe Shëndetit të Fëmijës (RCPCH), tha se gjetjet nga ky studim duhet të merren seriozisht.
“Me një të tretën e fëmijëve 11-vjeçar në Angli mbipeshë dhe pothuajse një në pesë të dhjamosur, duhet të nisë urgjentisht trajtimi i epidemisë së obezitetit”, tha ai.
“Ne e dimë se nivelet e larta të kohës së ekranit i ekspozojnë fëmijët ndaj rreziqeve të mbipeshës, duke krijuar një kombinim të dëmshëm të një jetese sedentare, me një ekspozim më të madh ndaj reklamave të ushqimit të parëndësishëm, duke shkaktuar çrregullim te gjumit dhe mënyrës së ngrënies”, vuri në dukje Viner./BBC/ Tirana Today/
