“Daily Mirror” shkruan se Chelsea dëshiron portierin slloven të Atlético Madridit dhe ka në mendje edhe ofertën, që do të paraqesë.
Përveç një shume të konsiderueshme parash, blutë e Londrës janë të gatshëm t’iu ofrojnë “rojiblancos” portierin Kepa, një nga nënshkrimet më të shtrenjta të tyre.
Chelsea pagoi 80 milionë euro për të te Athletic, në vitin 2018. Pritshmëritë për portierin e ri spanjoll ishin shumë të larta. Pavarësisht se performanca e tij nuk ka qenë e keqe, ai nuk i ka përmbushur ato plotësisht.
Por Atlético Madrid nuk pritet ta lëshojë Oblak në asnjë mënyrë. Prej vitesh, klubi e kupton se për të garuar për tituj në Spanjë dhe Evropë, duhet të bëjë gjithçka që është e mundur për të mbajtur lojtarët e tij më të mirë.
