Edmond Haxhinato, me anë të një statusi në Facebook shpjegon se pse ideja për shkëmbim territoresh mes Kosovës dhe Serbisë është e rrezikshme. Sipas tij, diskutimi në fjalë nuk është i ri, dhe se ai personalisht është marrë me këtë çështje diplomatikisht dhe politikisht.
Ai nënvizon se disa parime e modele kanë qenë themelore: parimi i shkatërrimit të mureve (kufinjve) mes popujve të rajonit, jo i ngritjes së tyre; parimi i tolerancës dhe respektit reciprok për pakicat; parimi i bashkëpunimit dhe integrimit mes popujve të rajonit, si domosdoshmëri për integrimin më të gjerë në BE.
E ndërsa sot, teksa dëgjon këtë debat mbi shkëmbimin e territoreve, ‘më duket se ky investim ndërkombëtar, por edhe kombëtar, po rrezikohet në mënyre serioze’, shton ai.
