Shkëlzen Berisha, djali i ish-kryeministrit sapo ka dalë nga dyert e Gjykatë së Lartë ka kërkuar dënimin e shpifësit duke iu referuar Taulant Ballës. Në një prononcim për median ai tha se Balla është një i dënuar me vendim gjykate por lëviz i lirë prej imuniteëtit të deputetit duke u mbrojtur nga Rama.
Berisha sqaroi se është në gjykatë vetëm prej akuzave se nuk ka paguar taksat. Por ai deklaroi se nuk ka lidhje me ato që fliten në media. Shkëlzen Berisha tha se në gjykatë po hetohet vetëm për mospagim taksash.
“Gjykata e Lartë është institucioni më i lartë i këtij vendi. Zoti Balla e ka thërritur ketë dëshmi në komisionin parlamentar. Ai e ka një damke si shpifës. Kjo çështje është për shpifjen e zotit Balla. Për vitet 2009 dhe 2008 unë kam paguar mbi 5 milionë lekë taksa. Kjo është një sulm politik. Pritshmëria ime që të dalë e vërteta. Balla ka thënë se unë nuk kam paguar asnjë taksë. Balla është dënuar si shpifës është dënuar nga gjykata për shpifje, ai fshihet pas Ramës, tualet i Ramës. Unë kërkoj dënimin e shpifësit“, deklaroi Shkëlzen Berisha.
Shkëlzen Berisha, djali i ish-kryeministrit ka arritur në orën 15:00 në Gjykatën e Krimeve të Rënda. Berisha është futur i pari në ambientet e gjykatës, ndërsa pas tij është futur edhe kryetari i grupit të PS, Taulant Balla.
Fillimisht ishte Gjykata e Lartë e cila shpalli moskompetencë për çështjen Berisha-Balla, dhe dosja i kaloi Gjykatës së Krimeve të Rënda. Ndërkaq, djali i ish-kryeministrit Berisha u thirr pak ditë më parë nga organi i akuzës për t’u pyetur për çështjen e privatizimit të OSSH te çekët e CEZ.
