PSG ka shkëlqyer në përballjen e kësaj jave, në transfertën me Rennes. Ishte pikërisht ylli brazilian, Neymar që shkëlqeu në këtë sfidë me performancën e tij magjike, ku dhuroi dy asiste dhe shënoi dy gola në fitoren 1-4.
Neymar ishte folur se do të mungonte në këtë sfidë dhe se marrëdhënia e tij me klubin parisien është venitur dhe po shkon drejt ndarjes, pas interesimit të Real Madrid. Por ka ndodhur e kundërta ai ka zbritur në fushë në këtë ndeshje dhe ka dëshmuar se shuma e paguar nga PSG për ta sjellë në Paris ia ka vlejtur. Ai gjen rrugën e rrjetës që në minutën e katërt pas një asisti perfekt të Mbappe, ndërsa vetëm 13’ minuta më vonë ia kthen nderin shokut të ekipit duke e nxjerrë të vetëm para portës që të shënojë.
Pas shumë rastesh të krijuar dhe të finalizuar keq, ylli brazilian jep një asist për Cavanin dhe ky i fundit e shfrytëzon mjaft mirë duke mposhtur portierin me një parrabël. Ndërsa në fund është sërish kombinimi i yllit francez Mbappe dhe Neymar, duke bërë që ky i fundit të gjejë golin e dytë personal dhe të katërtin për PSG. Golin e vetëm të Rennes e shënoi Mubele në fillimin e pjesës së dytë, po ashtu vendasit humbën edhe një penallti në minutat e fundit.
