Edhe pse Barcelona është duke kaluar një formë mjaft të mirë, duke qëndruar në majë të tabelës dhe duke dhuruar spektakël në fushë, tifozët janë duke braktisur “Camp Nou”. Madje as magjia e Leo Messit, i cili është duke dhuruar show në çdo ndeshje nuk i ka bindur tifozët të rikthehen, por sa vjen dhe më i paktë është numri.
Në krahasim me një vit më parë kur në fushë ishte treshja MSN(Messi, Suarez, Neymar), Camp Nou pëson një rënie drastike prej 12,682 për ndeshje. Duke parë që niveli i lojës është rritur dhe katalanasit janë pretendentë për të fituar shumë trofe, besohet që e vetmja arsye që ka sjellë këtë ftohje është largimi i yllit brazilian, Neymar. Tifozët akoma nuk ia kanë falur drejtuesve të Barcelonës që lejuan të largohet drejt PSG, njeriu që shihej si e ardhmja e ekipit dhe që sa herë prekte topin dhuronte spektakël.
Nëse bëjmë një krahasim me sezonin që lamë pas 2016-17 dhe atë që jemi 2017-18, bëhet akoma më e qartë se si turma ka braktisur Camp Nou.
Në Evropë, për më tepër, kjo rënie ka qenë më e ndjeshme. Barcelona kishte mesatarisht 60,673 spektatorë në fazën e grupit të këtij viti, shumë më poshtë 78,912 të regjistruar në të njëjtën raund 12 muaj më parë.
Në La Liga, diferenca është e njëjtë, 61,977 nga 78,575, duke përjashtuar përplasjen e 1 tetorit kundër Las Palmasit që u luajt me dyer të mbyllura për shkak të incidenteve të dhunshme të provokuara nga referendumi i pavarësisë së Katalunisë.
Nuk ka patur asnjë rënie të dukshme në formën e superstarit argjentinas të Barcelonës, Messi, i cili tashmë është në pretendenti kryesor për të siguruar një tjetër Pichichi dhe për të vënë një seri shfaqjesh spektakolare.
Vetëm në Copa del Rey, ndryshimi ka qenë për mirë nga sezoni që kemi lënë pas, nga 65.443 në 69.186. Një rritje e lehtë kur kujton që Barcelona ka zhvilluar ndeshje dramatike në këtë kompeticon, ku ka përmbysur Espanyolin. TIRANA TODAY
