Shqiptarët në Zvicër kanë pasur një javë mjaft të mirë. Benjamin Kulolli, i zakonshmi i Zurich, pas Europa League ka gjetur dopietën edhe në kampionat, në barazimin përballë Thun.
Debutoi me Grasshoper Arlind Ajeti, në suksesin 2-1 përballë Luganos. Kuqeziu luajti 90 minuta të mira. Ka gjetur golin e tij të parë me Sionin mesfushori i Shqipërisë, Emir Lenjani, në barazimin 1-1 jashtë fushe. Një diagonale e bukur brenda zonës së rreptësisë.
Bastian Toma, një tjetër shqiptar i Sionit, dhuroi një pasim fantastik për Lenjanin, i cili nuk gaboi para portë, duke mposhtur portierin kundërshtar.
Sa i përket shqiptarëve të tjerë, Balaj luajti 89 minuta me Akhmat Groznin, duke i zëvendësuar më pas. Shkodrani nuk la gjurmë në barazimin 0-0 brenda fushe ndaj Anzhit.
Edhe Rrahmani ka gjetur golin e parë me Dinamo Zagrebin këtë sezon. Mbrojtësi i Kosovës realizoi në suksesin 3-0 jashtë fushe. Dy golat e tjerë u realizuan nga Budimir.
