Një operacion i autoriteteve italiane që është zhvilluar në zonën e Katanias, kanë arrestuar disa shqiptarë dhe kolumbianë. Më konkretisht, janë 13 persona që janë vënë në pranga, por ende nuk dihen identitetet e tyre. Operacioni i koduar “Cocorito”, ka nisur disa kohë më parë, por është finalizuar mëngjesin e sotëm.
Duke iu referuar mediave vendase, grupet kriminale që janë goditur, janë shumë të forta dhe i cilësojnë si një kartel droge. Shqiptarët dhe kolumbianët kanë trafikuar sasi të mëdha droge, dhe gjatë hetimeve policia ka arritur që të sekuestroje një sasi prej 365 kilogram marijuanë dhe kokainë.
Arrestimet e 13 të dyshuarve janë kryer pas një urdhër ndalimi të lëshuar nga Gjykata e Katanias, pas kërkesës së bërë nga Drejtoria e Qarkut Anti-Mafia të Katanias.
