21 shqiptarë e një grua rumune janë vënë në pranga nga policia italiane, pasi akuzohen për “shfrytëzim prostitucioni”. Akuza që rëndon mbi këta shtetas, identiteti i të cilëve nuk bëhet me dije, është “Shfrytëzimi i rëndë i prostitucionit”.
Mediat italiane raportojnë se në aksionin e finalizuar në orët e para të ditës, janë arrestuar 22 persona, të gjithë shqiptarë, përveç një gruaje rumune.
Trafikantët e kishin te mirëorganizuar aktivitetin kriminal. Ata shfrytëzonin vajzat në zonat Brianza dhe Como. Aksioni për kapjen e tyre u krye në gjithë Lombardinë.
