Policia italiane ka arrestuar mëngjesin e sotëm njëmbëdhjetë persona, mes tyre edhe shqiptarë, pasi akuzohen për trafikim lëndësh narkotike.
Mediat italiane bëjnë me dije se nga 11 të arrestuarit: 8 prej tyre janë lënë në burg, 2 më detyrim paraqitjeje dhe 1 me nënshkrim në policinë gjyqësore.
Grupi kriminal po vëzhgohej prej disa muajsh për trafikimin e lëndëve narkotike në Ravena dhe zonat përreth saj.
Në operacionin e zhvilluar morën pjesë 50 forca policore. Gjatë kontrollit policia iu gjeti të arrestuarve edhe armë e para të gatshme, përveç drogës.
Ende nuk është sqaruar se sa prej të arrestuarve janë shtetas shqiptarë.