Shkatërrohet banda e trafikantëve në Bolonja të Italisë. Mes 17 personave të arrestuar janë edhe 7 shqiptarë.
Duke iu referuara mediave italiane, policia sekuestroi 1.500 kilogramë kanabis si dhe 2 kilogramë kokainë. Lënda narkotike u gjet në një garazh në Bolonja, por pasi u zbulua nga autoritete, ata filluan të fshihnin atë në fshatra të braktisura apo nëpër kodra.
Droga transportohej nga Shqipëria në Itali, në plazhet e Pulias, ndërsa shpërndarja në Bolonja bëhej nën drejtimin e shqiptarëve në bashkëpunim me italianët.
https://youtu.be/vfOWx8U8l9Y?t=2
Trafikantët blinin me shumicë kanabisin në Shqipëri me një çmim rreth 800 euro kg dhe e shisnin më pas në Itali me 2000 deri në 2500 euro kg. Droga shpërndahej më pas nga shqiptarët dhe marokenët në qytete të ndryshme të Italisë.
Grupi doli zbuluar nga një maroken, i cili u arrestua nga policia, ku deklaroi më pas se kanabisin e kishte blerë nga shqiptarët, jashtë një qendre tregtare në Bolonja.
