Komisioni i Pavarur i Kualifikimit ka shkarkuar nga detyra kreun e Gjykatës së Vlorës, Skënder Haluci. Vendimi është marrë sot, pas seancës dëgjimore me të.
Sipas KPK-së, ai dhe bashkëshortja nuk kanë justifikuar blerjen e disa pronave. Haluci është shprehur se hetimi ndaj tij, nuk ka qenë i rregullt.
Në lidhje me vlerësimin e pasurisë, ILDKPI ka dorëzuar një raport ku thuhet se deklarimi është i saktë, dhe nuk ishte në konflikt interesi.
Ndërkohë, KPK nga hetimi i pavarur kishte nxjerrë se kryetari i Gjykatës së Vlorës zotëronte dy apartamente, një toke arë si dhe një papafingo në Sauk, prona të cilat sipas tyre, nuk justifikoheshin nga të ardhurat e tij dhe të bashkëshortes.
Vetë Haluci deklaroi dje se ai po penalizohej për pronat e të vëllait dhe të bashkëshortes së tij, e cila është zgjedhur njësoj si anëtaret e KPK si komisionere zëvendësuese.
