Kolegji i Posaçëm i Apelit ka lënë në fuqi vendimin e Komisionit të Pavarur të Kualifikimit, duke shkarkuar përfundimisht gjyqtarin e Gjykatës Kushtetuese, Gani Dizdarin nga detyra.
Shkak për shkarkimin e tij janë bërë dy arsye, që janë pasuria dhe pastërtia e figurës. Gjyqtari kushtetues u vendos në pozitë të vështirë për lidhjen e tij me nipin, i cili rezulton se është i dënuar për çështjen e ushtrimit të ndikimit të paligjshëm, edhe pse kjo vepër nuk është në rrethin e veprave të krimit të organizuar. Po ashtu edhe për një borxh që ia ka marrë së bijës.
Me largimin e tij përfundimtar nga Gjykata Kushtetuese, ky institucion mbetet vetëm me një anëtar të konfirmuar, Vitore Tushën.
