Komisioni i Posaçëm i Apelimit ka marrë vendimin për shkarkimin e Prokurores së Tiranës, njëkohësisht anëtare e Këshillit të Lartë të Prokurorisë, Antoneta Sevdari.
Ky vendim erdhi pasi Sevdari kishte probleme me pasurinë e bashkëshortit të saj. Kështu, referuar pasurisë së të shoqit krijuar në Arabinë Saudite, Sevdari tha se natyra e të ardhurave të tilla, nuk parashtrohet në deklaratat e pasurisë.
Komisioni Publik paraqiti një ankesë të re në seancën e mbajtur më 25 shkurt, ku ankimonte pasurinë e bashkëshortit të Sevdarit.
Kjo e fundit deklaroi se nuk e vërteton dot sa janë tatimet dhe nuk janë siguruar dokumentet për shkak se Arabia Saudite nuk është përgjigjur në shkresën e dërguar ndërkohë që punëdhënësi i bashkëshortit të saj ka ndërruar jetë.
Pas shkarkimit të Sevdarit, KLP do të mbetet me dhjetë anëtarë.
