Hetimi ndaj presidentit Ilir Meta do të zgjasë edhe 4 muaj të tjera. Ditën e sotme Komisioni Hetimor ka miratuar kërkesën gjithashtu për të zgjeruar objektin e hetimit. Në hetim përveç dekretit të 30 qershorit do të hetohet dhe dekretimi i Marsida Xhaferllarit si anëtare e Gjykatës Kushtetuese, e cila çoi më pas në një përplasje me kreun e KED, Ardian Dvoranin.
Arben Zeneli, anëtari i Komisionit të Posaçëm Hetimor, Arben Zeneli ka dalë kundër këtij propozimi pasi kërkon që Komisioni të mbarojë fillimisht për atë çfarë u mblodh fillimisht, pra për anulimin e dekretit të 30 qershorit.
“Të mbarojmë fillimisht për atë çfarë u mblodhëm. Më pas përfundojmë, dhe vijojmë me shtesat.”- tha Zeneli.
Halit Valteri gjithashtu e ka kundërshtuar: “Nuk mund të merremi se çfarë bën sot Meta apo çfarë do bëjë Meta. Nuk bëhet kjo punë shto ujë e shto miell. Jemi kundra shtimit të objekteve të hetimit për Presidentit në këtë Komision.”
