Akademiku Artan Fuga ka reaguar për herë të parë lidhur me kërkesën e ministres së Arsimit, Besa Shahini për shkarkimin e rektorit Mynyr Koni.
Fuga shkruan se është në pritje të vendimit të Presidentit, nëse ky i fundit do e pranojë kërkesën e ministres për të shkarkuar nga detyra rektorin e Universitetit të Tiranës, Mynyr Koni, duke e quajtur këtë vendim një test të madh.
“Presim me durim dhe shumë vëmendje vendimin e z.Ilir Meta: Do ta gëlltisë ai që ministrja e arsimit pushon nga puna një rektor apo do të rezistoje në mbrojtje të ligjit dhe të kompetencave kushtetuese për të cilat është zgjedhur?
Do t’a mbrojë ai autonominë universitare sikurse kam besim se do t’a bëjë apo do t’ja japi dhuratë prirjeve antidemokratike dhe antiligjore që po i marrin frymën jetës dhe botës intelektuale, shkencore, artistike?
Do t’i imponohet dot ministrja Presidentit të vendit, apo Presidenti do të mbrojë autonominë universitare? Ta shohim!”, thekson Fuga.
Postimi i plotë:
Duke pritur vendimin e z. President!
——-
Presim me durim dhe shumë vëmendje vendimin e z.Ilir Meta: Do ta gëlltisë ai që ministrja e arsimit pushon nga puna një rektor apo do të rezistoje në mbrojtje të ligjit dhe të kompetencave kushtetuese për të cilat është zgjedhur?
Do t’a mbrojë ai autonominë universitare sikurse kam besim se do t’a bëjë apo do t’ja japi dhuratë prirjeve antidemokratike dhe antiligjore që po i marrin frymën jetës dhe botës intelektuale, shkencore, artistike?
Do t’i imponohet dot ministrja Presidentit të vendit, apo Presidenti do të mbrojë autonominë universitare? Ta shohim!
Do të jetë një test i madh për të parë se ku ndodhemi, çfarë na pret dhe cilat janë strategjitë e aktorëve politikë dhe institucionalë të vendit!
