Kryeministri Rama ka reaguar pas shkarkimit të 12 drejtuesve në Drejtorinë e Policisë së Elbasanit nga Haki Çako.
Pas akuzave të Bashës, se shkarkimet nga Çako u bënë për të tërhequr vëmendjen nga operacioni në Vlorë, ka ardhur edhe reagimi i kryeministrit.
Në një postim në Facebook, Rama shkruan se askush nuk do arrijë ta ndalë, ndërsa akuzon atë që e quan “Frontin e Çorbës së Vjetër”, se u përpoq që të baltosë Policinë e Shtetit.
Më tej, Rama shton se Policia e Shtetit po bën të gjithë gjërat e duhura në luftën kundër krimit, pas pastrimit të Shqipërisë nga kanabisi, ndërsa shton se askush s’mund t’i ndalë në këtë luftë.
“Këtu jemi dhe do ta shohim”, përmbyll kryeministri.
POSTIMI I RAMËS:
TA HARROJNE SE DO TE NA NDALIN
Përshëndes shkarkimin e gjithë zinxhirit të komandës policore në Elbasan? Kush është përzier me çorbën e krimit, po edhe kush s’ka kurajo të përballet sy për sy e dhëmb për dhëmb me të, s’ka vend nën uniformën e dëshmorëve të Policisë së Shtetit?
…
E turpshme përpjekja e Frontit të Çorbës së Vjetër për të baltosur Policinë e Shtetit për operacionin e suksesshëm mbrëmë në Vlorë, si pjesë e luftës ndaj rrjetit kriminal të heronjve të kazanit politik e mediatik të 48 orëve të fundit?
Policia e Shtetit po bën të gjithë gjërat e duhura dhe çdo drejtues e punonjës policie, duhet të vazhdojë të bëjë përditë këtë që po bën qysh prej nisjes së kësaj faze të re të luftës me krimin, pas pastrimit të Shqipërisë nga kanabisi?
…
Ta harrojnë se do të na ndalin dot në këtë luftë, të gjithë ata që vazhdojnë t’i marrin shqiptrët për budallenj dhe që synojnë bllokimin e rrugës sonë për Shqipërinë që duam – me shtet, punë, mirëqenie. Me mandatin e 25 qershorit, ne do t’i bëjmë jo vetëm rrjeteve kriminale, po edhe korrupsionit në tërësi, atë që asnjë nga këta që hidhen sot përpjetë në kazanin e politikës e të medias, s’ka guxuar as ta mendojë, në çerekshekulli rrumpallë e bashkëjetesë harmonike të pushtetit me llumin, ku ky vend mbeti pa shtet, pa ligj, pa drejtësi??
Këtu jemi dhe do të shohim. Ditë për ditë
