Pas protestës së opozitës dhe dorëzimit në Kryesinë e Kuvendit të mandateve, kryeministri Rama ka dalë në një konferencë për shtyp. Rama bën të qartë se qeveria është e vendosur dhe nuk do të pranojë të dalë në zgjedhje të parakohshme, sepse sipas tij djegia e mandateve është diçka e padëgjuar. Ai shton se jeta politike vazhdon, edhe pse opozita u largua nga Parlamenti. Ndër të tjera Rama foli edhe për fenomenin e shit-blerjes së votave.
“Fatkeqësisht ata e dinë se unë në zgjedhjet vendore e kanë të pashmangshme, se nuk e kanë popullin. Sovrani nuk është ai që del në rrugë, por ai që gjykon në zgjedhje. I padëgjuar askund në botë që kur një opozitë del nga parlamenti e pret që qeveria të dalë në zgjedhje të parakohshme. Me një qeveri që do opozita. Kjo është një logjikë humbësish, kanë humbur arsyen.
Kur shoh Monikën që flet për shit-blerje votash e përmend Zotin, them se i Plotfuqishmi nuk merret me zgjedhje. Por, kur flet Monika për këtë gjë, them se do të shkojë në ferr për shit-blerje votash. Kurse kur dëgjoj kolegun e saj, Bashën që i rrëmben mikrofonin, më kujtohet i njëjti zë që do i çlironte nga skllavëria e ShPK-së së Monikës. Skllevër nuk janë populli, se populli janë Monika e Luli.”/ TIRANA TODAY
