Pamjet e një shimpanzeje që përdor Instagramin si të ishte një njeri, janë bërë menjëherë virale në rrjet. Videoja është publikuar nga Mike Holston, një aktivist që ka dashuri të madhe për kafshët.
Ai ka filmuar shimpanzenë teksa klikon videot ku shfaqet me vetë Holston, madje kthehet mbrapsht dhe përzgjedh video të tjera pa gabuar në asnjë moment.
Shimpanzeja ka interes për videot ku luan me të zotin, ndërsa pas publikimit, komentet kanë qenë nga më të ndryshmet. Shumë ndjekës janë mahnitur nga inteligjenca dhe shkathtësia, ndërsa nuk mungojnë as kritikët.
Të tillë janë ekspertët e komunikimit, të cilët shprehen se është e nevojshme që kafshët të mbrohen më tepër.
