Temperaturat do të jenë në favorin tonë deri në fund të muajit. Nëse keni bërë plane për të shijuar plazhin, atëherë merrni kohën që ju duhet.
Moti ndryshon javën tjetër
Sot dhe gjatë fundjavës, moti mbetet me kthjellime dhe vranësira kalimtare, në pjesën më të madhe të vendit; më të dukshme vranësirat gjatë orëve të pasdites dhe kryesisht në zonat malore.
Ndërsa mundësia për shira shfaqen të hënën, në zona të izoluara në Veri – Verilindje.
Temperaturat do të vijojnë me vlera lehtësisht mbi normalet gjatë orëve të natës dhe mëngjeseve (përfshirë edhe fundjavën), ndërsa temperaturat e mesditës kanë shënuar mesatarisht 6°C, mbi maksimumet tipike të muajit shtator. Konkretisht, deri të dielën, temperaturat sipas zonave do të luhaten: 12 – 30°C në zonat malore; 18 – 34°C në zonat e ulëta dhe bregdetare.
Java qe vjen sjell rënie të theksuara të temperaturave në të dy ekstremumet termike të ditës; ku vlerat minimale në rang territori ulen deri në 6°C, ndërsa maksimumet nga 34°C gjatë këtyre ditëve, do ulen në 25 – 26°C.
