Nuk kanë fund denoncimet e ardhura në faqen e ish-kryeministrit Berisha. Një banor i Shijakut e ka vënë në dijeni Berishën, për një sulm me thikë që ka ndodhur në një supermarket të qytetit pasditen e djeshme, por që nuk është njoftuar nga policia.
Qytetari në fjalë thotë se policia e ka detyruar pronarin e lokalit të fshijë kamerat, që filmuan ngjarjen, edhe pse të pranishëm gjatë ngjarjes qenë disa dëshmitarë. Pretendohet se uniformat blu kanë shkuar me vonesë, dhe se po tentojnë që të fshehin ngjarjen, pasi personi në fjalë u ka premtuar lekë.
