Policia ka bërë të mundur zbardhjen dhe dokumentmin e ngjarjes së ndodhur mesditën e sotme në Maminas.
Unniformat blu kanë arrestuar në flagrancë 27-vjeçarin e identifikuar me inicilaet A.D, pasi dyshohet se ka qëlluar me armë zjarri në drejtim të një mjeti, pas një konflikti të çastit.
‘‘Mesditën e sotme, në Maminas, Shijak, pas një konflikti për motive të dobëta, shtetasi A. D., 27 vjeç, dyshohet se ka qëlluar me armë zjarri në drejtim të mjetit tip “Benz” me drejtues shtetasin A. D., 38 vjeç. Nga të shtënat nuk ka patur asnjë person të lënduar.”, informon policia.
Ndërkohë, është shpalletur në kërkim bashkëpunëtori i tij. Shërbimet e Policisë vijojnë krehjen e zonës për gjetjen dhe administrimin si provë materiale të armës së zjarrit me të cilën dyshohet se ky shtetas ka qëlluar në drejtim të mjetit.
Materialet do t’i kalojnë Prokurorisë së Rrethit Gjyqësor Durrës, për veprime të mëtejshme.
