Pandemia Covid-19, po vë gjithnjë e më në vështirësi sistemin shëndetësor të Greqisë, për shkak të numrit të madh të rasteve të reja, vdekjeve dhe të intubuarve që raportohen çdo ditë.
Në 24 orët e fundit, vendi fqinj njoftoi për 1,388 raste të reja me Covid-19.
Nga rastet e reja, 252 u zbuluan në Atikë, 300 në Selanik, 88 në Pella, 65 në Imathia dhe 51 në Kavala.
Ndërkohë 549 pacientë janë të intubuar, ndërsa kanë humbur betejën me virusin edhe 84 pacientë.
Nuk dihet ende si do të vijojë afati i ”Lock-Down” në Greqi, pasi një shtyrje nënkupton se grekët i kalojnë Krishtlindjet dhe Vitin e Ri të izoluar.
