Spanja ka publikuar bilancin për viktimat e koronavirusit për 24 orët e fundit.
Sipas mediave vendase, brenda një dite të vetme në Spanjë kanë humbur jetën 812 persona. Deri më tani Spanja numëron 7,340 viktima, ndërsa ia ka kaluar edhe Kinës për numrin total të të infektuarve.
Më shumë se 85 mijë persona janë infektuar nga koronavirusi në këtë vend.
Shifra ka një rënie të lehtë nga raportimi i një dite më parë, ku numri i viktimave në harkun e 24 orëve ishte raportuar 838.
Spanja është shteti i dytë pas Italisë që shënon numrin më të madh të viktimave nga Covid-19. Ndërsa mban tashmë vendin e tretë pas SHBA-së dhe Italisë për numrin më të madh të personave të infektuar me virusin vdekjeprurës.
