Vendi ynë ka pagën më të ulët mesatare në Evropë duke mos përfshirë vendet e ish Bashkimit Sovjetik. Të dhënat e përpunuara nga Wikipedia dhe duke u bazuar në iformacionet dhe të dhënat e Fondit Monetar Ndërkombëtar, Bankës Botërore dhe në burimet e instituteve statistikore në vendin tonë, paga mesatare neto në Shqipëri është 347 euro në muaj.
Kjo e dhënë është publikuar pas përditësimit në tremujorin e parë të vitit 2017. Duke u bazuar në këto shifra dhe të dhënat e listuara për 39 vende për pagën më të ulët mesatare në Evropë, vendi ynë lë pas Bjellorusinë, Moldavinë dhe Ukrainën, kjo tregon se paga që marrin shqiptarët është në nivele shqetësuese.
Por ku është Shqipëria krahasuar me vendet e rajonin në lidhje me pagën më të ulët mesatare?
Paga mesatare në vendet e Ballkanit: Në rajon, sipas Wikipedia, pagën mesatare më të lartë e ka Mali I Zi, me 509 euro në muaj, e ndjekur nga Bosnjë Hercegovina me 439 euro, Bullgaria me 423 euro, Serbia 407 euro, Kosova 405 euro dhe Maqedonia 372 euro, ndërsa Shqipëria është e fundit në rajon duke treguar dhe njëherë situatën e vështirë dhe gjendjen ku jetojnë qytetarët shqiptarë.
Por cilat janë vendet që kanë nivelin më të lartë të pagës mesatare: Në Europë, vendi ku ke mundësi të marrësh më shumë të ardhura përmes pagës është Zvicra me 4,421 euro në muaj, të ndjekura nga Islanda me 3,430 euro, Norvegjia (3,405), Danimarka (3,270), Luksemburgu (3,159), Suedia (2,713). Të dhënat e publikuar për 39 vende të Evropës në lidhje me pagën e ulët mesatare: Ëikipedia i referohet të dhënave të INSTAT për pagën mesatare në sektorin shtetëror, që ishte 56,500 lekë në fund të tremujorit të parë, ndërsa të dhënat e tjera të INSTAT tregojnë se paga reale në ekonomi, përfshirë edhe sektorin privat është akoma më e ulët.
Sipas INSTAT, Paga mesatare mujore bruto për një të punësuar me pagë sipas group-profesioneve dhe gjinisë në fund të vitit 2016 ishte 45,845 lekë, pra rreth 334 euro bruto dhe 290 euro neto. Këtu ka ndikim edhe fakti që informaliteti i pagës në sektorin privat është shumë i lartë dhe një numër i madh subjektesh nuk deklarojnë pagën reale për të punësuarit e tyre(shënim i Monitor).
Në krahasim me një vit më parë, paga mesatare në ekonomi ra me 2.1% në vitin 2016. Në Kosovë, paga mesatare neto është më e lartë se në Shqipëri, ajo luhatet në rreth 405 euro. Në rajon, sipas Ëikipedia, pagën mesatare më të lartë e ka Mali I Zi, me 509 euro në muaj, e ndjekur nga Bosnjë Hercegovina me 439 euro, Bullgaria me 423 euro, Serbia 407 euro, Kosova 405 euro dhe Maqedonia 372 euro.
“Edhe e matur sipas metodës së fuqisë blerëse, ku të ardhurat përshtaten me shpenzimet e jetesës, paga në Shqipëri është sërish më e ulëta në Europë, me rreth 1000 dollarë. Madje në këtë renditje, Shqipërisë ia kalon edhe Bjellorusia, që ka pagë mesatare më të ulët sesa ne. Më të lartë pagën sipas fuqisë blerëse e kanë Mali I Zi, që me 1422 dollarë ia kalon edhe Portugalisë, Bullgarisë dhe Rumanisë dhe Kosova (1251), që ia kalon dhe Serbisë e Bosnjës. Në të dy këto shtete, kosto reale e jetesës është më e lirë, rroga është më e mjaftueshme për të blerë produkte të ndryshme, në krahasim me Shqipërinë, apo shtete të tjera të rajonit”-shkruan Monitor.al/ TIRANA TODAY
