Jo vetëm Spanja, por edhe SHBA-ja ka thyer rekordin për numrin më të madh të viktimave brenda një dite. Në vetëm 24 orët e fundit, në gjithë territorin amerikan janë regjistruar 1.169 të vdekur.
Presidenti amerikan Donald Trump kishte paralajmëruar të martën për një “shifër të dhimbshme”, dy javë pasi Shtetet e Bashkuara u prekën nga koronavirusi.
Trump tha nga Shtëpia e Bardhë se ky virus mund të vriste më shumë se 240.000 amerikanë.
Presidenti Trump përmes ligjit të ‘Prodhimeve për Mbrojtjen’, i ka bërë thirrje kompanive për prodhimin e maskave.
Banka Qëndrore Amerikane ka paralajmëruar se 15-20 milion vende pune në SHBA janë në rrezik. Papunësia në vend nga 3.6% para epidemisë, ka të ngjarë të rritet në 15.6%.
