Për shkak të reshjeve intensive të shiut që kanë rënë gjatë gjithë natës, janë shkaktuar përmbytje në disa rrugë të qytetit të Durrësit.
Më problematike mbetet situata në lagjen Nr.17 dhe 18, të cilat sa herë ka reshje me intensitet të lartë, përmbyten totalisht.
Uji ka arritur deri në nivelin e trotuareve te zona pranë stadiumit, ku lëvizja e këmbësorëve dhe qarkullimi i automjeteve vështirësohet.
Sipas autoriteteve vendore, shkak për këtë situatë janë bërë reshjet e shiut me intesitet të lartë, por edhe bllokimi i pusetave nga mbeturinat qe sjell rrjedha e ujit.
