Botërori mblodhi në Rusi njerëz nga e gjithë bota dhe duket se jo të gjithë e kanë shfrytëzuar këtë udhëtim për të ndjekur ndeshjet e futbollit. Fillimisht u raportua se 80 tifozë nigerianë janë bllokuar në Moskë, pas anulimit të biletave të kthimit me avionin charter. Kjo ka bërë që ata të mos kenë mundësi të kthehen në vendlindjen e tyre dhe ti drejtohen ambasadës.
Ata mbërritën në Rusi me “pasaportën e tifozit”, por qëllimi i tyre nuk kanë qenë ndeshjet e futbollit. Ata kanë shpresuar që ta shfrytëzojnë këtë udhëtim pa viza në Rusi për të gjetur punë dhe të qëndronin atje.
Dhe kur janë njohur me ambientin rus, që nuk i ka pranuar askush për të punuar, janë detyruar që të kërkojnë rikthimin në Nigeri. Autoritetet ruse bëjnë me dije se numri i tifozëve të ardhur nga Nigeria për të mbështetur kombëtaren e tyre është mbi 300 dhe se në të njëjtën situatë janë edhe 200 tifozë të tjerë, që po kontaktojnë ambasadën e tyre.
Ambasadat kanë vendosur që ti ndihmojnë ata momentalisht duke u garantuar fjetjen deri në momentin që do tu bëhet i mundur kthimi në vendlindje.
