Policia ka zbardhur sherrin me armë gjatë natës së të premtes në një nga lokalet e ish-Bllokut në Tiranë. Policia njofton se ka arrestuar në flagrance 4 persona dhe ka shpallur në kërkim dy të tjerë për ngjarjen ne fjale.
Sipas policisë, këta persona rreth orës 01:10, në rrugën “Brigada e VIII”, të ndarë në dy grupe, për motive të dobëta janë konfliktuar fizikisht dhe me armë me njëri-tjetrin.
Më datë 10.11.2017, u arrestuan në flagrancë shtetasit:
Shkëlzen Hajdara, 24 vjeç, i dënuar më parë për veprën penale “Vjedhja”,
Sali Vogli, 33 vjeç,
Erlis Duka, 27 vjeç
Amarild Mumajesi, 30 vjeç, banues në Tiranë.
Si dhe u shpallën në kërkim shtetasit B.V., 30 vjeç dhe D.S., 28 vjeç, banues në Tiranë, pasi rreth orës 01:10, në rrugën “Brigada e VIII”, të ndarë në dy grupe, për motive të dobëta janë konfliktuar fizikisht dhe me armë me njëri-tjetrin.
Materialet në ngarkim të këtyre shtetasve iu referuan Prokurorisë së Rrethit Gjyqësor Tiranë, për veprën penale “Prodhimi dhe mbajtja pa leje e armëve luftarake dhe e municionit ” ,” Prishja e qetësisë publike” dhe ” Moskallëzimi i krimit ” , të parashikuar në Nenet 278, 274 dhe 300 të Kodit Penal.
