Policia e Milanos ka arrestuar dy shtetas egjiptianë, Abanoub Safëat Moaëad Attia 21 vjeç, dhe Mohamed Farah Abdelghany Mostafa 22 vjeç në akuzë për masakrimin e një shqiptari në Itali.
Mediat italiane bëjnë me dije se ata akuzohen se kanë dhunuar, me shkelma, grushte në trup e bark, e më pas kanë qëlluar me thikë një shqiptar, emri i të cilit nuk bëhet i ditur.
Ngjarja ndodhi në një fast food me 2 dhjetor të vitit të shkuar, kur shqiptari u vu në qendër të sulmit nga një grup të rinjsh afrikano veriore. Menaxheri i lokalit u ka kërkuar të pushojnë dhe të dilnin jashtë, pasi po bezdisin më kot klientin, por duket se kaq mjaftoi që situata të acarohej.
Ata dolën jashtë, por jo për të ikur, pasi i kishin zënë pritë shqiptarit. Kur ai doli, iu sulën me një dhunë barbare, e në fund e lanë të gjakosur përtokë. Për fat shqiptari u dërgua në kohë në spital, ndonëse plagët ishin shumë kritike për jetën. Policia u vu ne ndjekje të autorëve, të cilët u zbuluan nga kamerat e sigurisë.
