Një 25-vjeçar ka mbetur i plagosur ditën e sotme në Kamëz, si pasojë e një sherri mes disa të rinjve.
Sipas policisë, ngjarja është regjistruar mesditën e sotme, ndërsa i riu me inicialet R.K., u plagos me thikë. Në lidhje me këtë ngjarje u arrestua një 23-vjeçar me inicialet I.P., pasi bashkë me disa persona tjerë plagosën 25-vjeçarin.
Njoftimi i policisë:
Plagos me thikë 25-vjeçarin, pas një konflikti për motive të dobëta, vihet në pranga nga Policia.
Sekuestrohet mjeti prerës thikë, me të cilën autori kreu plagosjen.
Procedohet penalisht edhe një 34 vjecar, për plagosje të lehtë me dashje.
Specialistët për Hetimin e Krimit në Komisariatin e Policisë Nr. 5 Kamzë, pas njoftimit të marrë për një konflikt në Bulevardin Blu, ku disa persona ishin konfliktuar me njëri – tjetrin dhe për pasojë një prej tyre ishte plagosur me thikë, menjëherë organizuan punën dhe falë veprimeve të shpejta bënë identifikimin dhe kapjen e autorit të ngjarjes, konkretisht:
- P., 23 vjeç, banues në Kamzë, i cili u arrestua për veprat penale “Plagosja e rëndë me dashje” dhe “Mbatja pa leje e armëve të ftohta”.
Arrestimi i tij u krye, pasi ky shtetas, në bashkëpunim edhe me disa shtetas të tjerë, në Bulevardin Blu, Kamzë, poshtë rrethit të Bathores, ka plagosur me thikë, për motive të dobëta, shtetasin R. K., 25 vjeç.
