Tre persona kanë mbetur të plagosur mbrëmjen e sotme në Ksamil, si pasojë e një sherri mes dy familjeve.
Sipas BalkanWeb, familjet Pollo dhe Ziflaj janë konfliktuar për motive pronësie. Bëhet me dije se anëtarët e dy familjeve kanë goditur njëri-tjetrin me thika e mjete të forta.
Në vendngjarje janë paraqitur efektivët e policisë së Sarandës dhe një grup i FNSH-së. Policia ka shoqëruar në komisariat dy prej personave, ndërsa 3 të tjerë po marrin trajtim shëndetësor në spital.
Njëri prej të plagosurve pritet që të niset drejt Tiranës për mjekim më të specializuar.
