Një plagosje me thikë ka ndodhur pasditen e sotme në zonën e Institutit. Një i ri është qëlluar me thikë pas një konflikti. I plagosur ka mbetur futbollisti 21-vjeçar Olsi Meraj, i cili është dërguar menjëherë në spital, ku do t’i nënshtrohet edhe një ndërhyrje kirurgjikale.
Konflikti ka ndodhur pasi Meraj ka dalë nga stërvitja së bashku me shokun e tij, Kevin Gega, kur drejt tyre janë afruar një grup personash, të moshës 17 deri në 20-vjeç, të cilët mësohet se kanë pasur probleme me Gegën.
Personat në fjalë, të paidentifikuar ende, kanë sulmuar më pas dy të rinjtë, duke goditur me thikë në fytyrë disa herë 21-vjeçarin.
Meraj është dërguar në spitalin e Traumës, ndërsa shoku i tij, Gega është dërguar në komisariatin nr.3, ku po merret në pyetje.
Njoftimi i policisë:
Tiranë/ Informacion paraprak
Rreth orës 16:50 në rrugën “Taulantët”, gjatë një konflikti për motive të dobëta është plagosur me mjet prerës shtetasi I. M., 21 vjeç, i cili është dërguar në spital për ndihmë mjekësore.
Policia po punon për kapjen e autorit.
