Situata nga koronavirusi në Indi vijon të jetë mjaft e rëndë, teksa në 24 orët e fundit janë shënuar rreth 16 mijë raste të reja.
Sipas mediave të huaja, brenda 24 orëve në Indi janë regjistruar 15,968 raste infektimi, numri më i lartë që nga shpërthimi i pandemisë.
Deri më tani, numri i të infektuarve me COVID-19 në Indi përllogaritet mbi 456 mijë persona. Një faktor që mendohet të ketë ndikuar në rritjen e numrit të të infektuarave është edhe lehtësimi i masave shtrënguese.
Gjatë 24 orëve të fundit, në vende u shënuan 465 vdekje të reja. Por kjo nuk është shifra më e lartë e regjistruar deri më tani, pasi javën e shkuar vendi regjistroi 2,003 vdekje brenda një dite.
India ka nxjerrë ushtrinë për të ndihmuar në trajtimin e të infektuarve dhe në vendosjen e 10,000 shtretërve në një spital në kryeqytetin New Delhi.
Nga 13,400 shtretër për koronavirusin që janë të disponueshëm, 6,200 janë aktualisht të zënë.
