Situata me flakët e zjarrit ka marrë përmasa tragjike në Shqipëri, ku është shënuar viktima e parë. Për fat të keq, një person është djegur i gjallë. Nga vatra e zjarrit në fshatin Asim Zeneli në Gjirokastër, ka ndërruar jetë 60-vjeçari Andrea Haxhiaj.
Ai ndodhej në banesën e tij në fshatin Asim Zeneli bashkë me të shoqen, në momentin që janë përfshirë nga flakët. Viktima ka qenë duke u përpjekur të shuajë flakët, që po i afroheshin banesës.
Ndërsa bashkëshortja e 60-vjeçarit ka pësuar dëme të mëdha në trup e fytyrë, për shkak të flakëve që u ka përfshirë banesën. Ajo ndodhet në spital, në gjendje të rëndë për jetën.
