Serbia ka konfirmuar viktimën e parë të shënuar nga koronavirusi në vend.
Lajmin e bëri të ditur kryeministrja serbe, Ana Brnabic e cila shtoi se shteti serb do të vijojë të luftojë për jetën e çdo personi.
“Një 59-vjeçar serb vdiq nga koronavirusi të premten, duke u bërë kështu vdekja e parë e shkaktuar nga pandemia në Serbi. Fatkeqësisht kemi humbur jetën e parë. Ne do të luftojmë për jetën e çdo personi”, tha ajo në një konferencë për shtyp.
Brnabic deklaroi se burri vinte nga provinca veriore e Serbisë, Vojvodina, teksa thekson se kishte qenë në gjendje të rëndë shëndetësore.
Deri më tani në Serbi kanë rezultuar 135 persona pozitivë me koronavirus. Autoritetet shëndetësore bëjnë me dije se 8 prej tyre ndodhen në gjendje të rëndë në spital.
