Gjyqtarja e Apelit, Shpresa Beçaj është shkarkuar nga detyra. Ky vendim ndaj saj është marrë sot nga Komisioni i Pavarur i Kualifikimit, ndërsa vetë Beçaj nuk ishte e pranishme në seancë.
Gjatë seancës dëgjimore në 1 korrik, KPK tha se gjyqtarja Beçaj nuk ka dorëzuar deklaratën e pasurisë pranë ILDKPI-së, si dhe nuk ka depozituar as deklaratën e pastërtisë së figurës dhe as të të vlerësimit profesional, duke mos përmbushur kështu detyrimin ligjor për të dalë para Vettingut.
Mosparaqitja e deklaratave, tha KPK, shkakton humbjen e cilësisë së subjektit të rivlerësimit, dhe sjell pamundësinë e këtij institucioni për të vijuar hetimet në kuadër të Vettingut.
