Raportohet rasti i parë me koronavirus në qytetin e Gjirokastrës.
Sipas BalkanWeb, bëhet fjalë për 67-vjeçar me inicialet K.D, i cili dyshohet të jetë infektuar gjatë kohës kur është kuruar në Tiranë për hepatitin C.
Mësohet se 67-vjeçari është kuruar në QSUT rreth datës 20 maj, ndërsa ai ka shfaqur shenjat sapo është kthyer në Gjirokastër. Ai është nënshtruar testit ndaj të cilit ka rezultuar pozitiv. Ndërkohë tamponimit i janë nënshtruar edhe familjarët e tij.
Kujtojmë se Gjirokastra nuk ka pasur asnjë rast të deklaruar zyrtarisht me koronavirus.
