Një tjetër pacient ka humbur jetën nga koronavirusi sot në Kosovë.
Sipas Klinikës Infektive të Qendrës Klinike Universitare, viktima me inicialet A.G, përveç diagnostikimit me sëmundjen COVID-19, vuante edhe nga sëmundje të tjera shoqëruese.
Kështu shkon në 35 numri në total i personave që kanë humbur jetën si pasojë e koronavirusit në Kosovë.
Që prej shpërthimit të pandemisë e deri më tani, në Kosovë janë regjistruar 1,998 raste me koronavirus. Prej tyre 980 janë shëruar ndërsa 983 raste janë ende aktive.
