Enisa Doda, 17-vjeçarja e gjetur e mbytur dy ditë më parë në Velipojë, nuk është dhunuar. Ky është përfundimi pas ekspertizës mjeko-ligjore, ndonëse u përfol se e reja mund të ishte dhunuar, pasi ishte gjetur me shenja dhune në trup.
Sipas ekspertizës, shenjat në pjesën e pasme janë si pasoje e rënies në ujë nga motori, ndërsa shenjat e nxirjes nga bllokimi i frymëmarrjes.
Enisa Doda së bashku me 25 vjeçarin Indrit Bajraktari, kishin marrë një motor uji dhe kishin shkuar për të bërë xhiro. Më pas Bajraktari ishte kthyer në breg i vetëm. Sot është zbuluar se ai ishte i martuar në Angli, ndërsa ishte në pritje të një fëmije.
Ngjarja e rëndë ndodhi më 19 gusht 2020, teksa 17-vjeçarja bashkë me 25-vjeçarin Indrit Bajraktari po bënin një xhiro me motor uji në det. Trupi i të miturës u gjet në një largësi rreth 700-800 metra nga bregu.
Një ditë më vonë u arrestua Indrit Bajraktari, i cili ishte edhe drejtuesi i motorit. Kjo ngjarje ka sjellë edhe pezullimin e lëvizjes me mjete motorike në plazhin e Velipojës.
