Dy minatorë kanë ndërruar jetë si pasojë e shembjes së dheut në Minierën e Artanës, Kosovë.
Raportohet gjithashtu se një tjetër minator është lënduar lehtë.
Ministria e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, ka bërë të ditur identitetin e minatorëve që kanë vdekur: “Idriz Gerbeshi, nga Hajvali, Haki Arifaj nga fshati Gllogovc, komuna e Lipjanit”.
Lidhur me këtë ngjarje të trishtë ka reaguar edhe Presidenti i Kosovës Hashim Thaçi:
“Thellësisht i pikëlluar me humbjen e jetës së dy punonjësve në Minierën e Artanës, si pasojë e shembjes së dheut. U shpreh ngushëllime të thella familjeve, të afërmve dhe gjithë kolegëve të tyre.
Institucionet e Kosovës duhet të përkujdesën që punëtorët të jenë gjithmonë të mbrojtur në vendet e tyre të punës! HTH”.
