Sot rreth orës 5:00 të mëngjesit u shemb Teatri Kombëtar dhe të shumtë janë qytetarët që ende po protestojnë për aksionin që u ndërmor.
Ndërkohë së fundmi është zbuluar se çfarë ka ndodhur me rekuizitën dhe arkivat që gjendeshin brenda godinës.
“Abc News” raporton se zhvendosja e rekuizitës (tërësia e sendeve që janë të nevojshme për të dhënë një shfaqje ose për të bërë një film) dhe arkivës së Teatrit është kryer nga ora 05:00 deri në 10:00 të mëngjesit.
Bashkë me rekuizitën dhe arkivën janë larguar me kamionë edhe dekoret e shfaqjeve.
Zhvendosja e materialeve është kryer pas rrëzimit të fasadës së Teatrit Kombëtar.
