Ambasadori gjerman në Shqipëri Peter Zingraf ka reaguar lidhur me shembjen e Teatrit Kombëtar.
Përgjatë një deklarate ai theksoi se “ky zhvillim” i ditës së sotme e shqetëson edhe më shumë nisur nga konteksti i luftës kundër pandemisë së koronavirusit:
“Shembja e nxituar e Teatrit Kombëtar në Tiranë agimin e ditës së sotme në atë formë, që e pamë, është për mua e vështirë për t’u kuptuar. Pikërisht në situatën aktuale të jashtëzakonshme dialogu mes qeverisë dhe shoqërisë civile si dhe sjellja transparente e qeverisë janë veçanërisht të rëndësishme.
Ky zhvillim më shqetëson edhe më shumë nisur nga konteksti i luftës kundër pandemisë së virusit Corona, duke qenë se grumbullimet e njerëzve të ndodhura deri tani dhe ato të pritshme mund të sjellin hapa pas. U bëj thirrje të gjithë aktorëve për dialog dhe vetëpërmbajtje”.