Dhjetëra banorë nga Shkoza janë nisur drejt Ambasadës Amerikane në Tiranë, për të protestuar kundër shembjes së shtëpive të tyre.
Duket se 153 familjet e prekura nga ky projekt nuk janë të kënaqur me dëmshpërblimin e ofruar nga bashkia, gjë që u konfirmua edhe nga kryeministri Rama.
Pas protestës së 14 shtatorit, familjet që preken nga projekti i ARRSH-së dhe ministrisë së Transporteve për shkak të zgjerimit të rrugës janë ngritur sërish sot në një tjetër protestë.
Gjithashtu, mësohet se banorët e Shkozës i janë drejtuar me një letër Ambasadës Amerikane dhe asaj të BE në vendin tonë, duke i kërkuar ndihmë.
Në letrën dërguar ambasadorëve, banorët thonë se nuk janë informuar zyrtarisht mbi këtë situatë, por informacionin e kanë siguruar privatisht.
