Ish-deputeti Sherefedin Shehu i është bashkuar grupit të zërave që kanë kërkuar dorëheqjen e kryetarit të opozitës. Një ditë më parë Basha njoftoi ngrirjen e funksioneve të tij dhe hapjen e garës për kreun e ri të PD, dhe kjo deklaratë u pasua nga një numër i madh individësh brenda PD-së që kërkuan dorëheqjen e tij.
Me anë të një mesazh të shkurtër në “Facebook”, Sherefedin Shehu e ka cilësuar kërkesën e demokratëve për Bashën si veprim demokratik.
“Kerkesa per doreheqje nuk eshte urdher per pushkatim. Ne jemi parti demokratike dhe Basha eshte rritur dhe edukuar ne Europe”, thotë Shehu.
Deklarata e Bashës që shkaktoi kaq shumë reagime ishte një mënyrë për tju shmangur dorëheqjes dhe një për të kërkuar një mundësi të dytë në krye të PD-së.
“Me efekt të menjëhershëm, kam vendosur të ngrij të gjitha funksionet e mia organizative si kryetar i PD dhe tua delegoj dy nënkryetarëve dhe sekretarit të përgjithshëm për të organizuar me fuqi të plotë vendimmarrëse garën për kryetarin e PD sipas parimit një anëtar një votë. Unë kam projektin tim, do ta vlerësojnë demokratet ne një gare te hapur te ndershme dhe te barabarte. Gjeja me e lehte për mua do te ishte te largohesha por e di se cfare ka ndodhur…jo duke ikur por duke luftuar deri ne fund me demokratet dhe per ta”, tha Basha një ditë më parë.
