Zv/ministri i Mbrojtjes, Petro Koçi, ka komentuar përplasjet e presidentit Meta me mazhorancën qeverisëse, dhe veçanërisht ndërkombëtarët. Numri 2 i Ministrisë së Mbrojtjes, është i mendimit se Meta është veçse një fotokopje e Berishës të vitit ‘96, në raport me SHBA.
“Meta 2019, si një fotokopje e Berishës 1996 në raport me SHBA! Halli hallit ndodh që i ngjan! Sheh rrushi rrushin dhe kalbet”, shkruan ai në statusin e radhës në Facebook.
Pak çaste më parë, Kreu i Shtetit, Ilir Meta, ka denoncuar një rast shantazhi ndaj zëdhënësit të tij, Tedi Blushi. Presidenti Meta thotë se Blushi është shantazhuar në emër të një Ambasade të huaj në Tiranë, që të tërheqë një postim të bërë sot paradite.
