Një gjykatës në SHBA, hodhi poshtë të gjitha akuzat kundër një 59-vjeçari, i cili ishte dënuar për vrasjen e një çifti në një kishë në Xhorxhia në vitin 1985, duke e shfajësuar atë pasi ai kaloi dy dekada pas hekurave, në burg.
Gjykatësi i Gjykatës Superiore të Qarkut Glynn Stephen Scarlett miratoi një mocion nga prokurorët për të hedhur poshtë çështjen kundër Dennis Perry, pasi nga ADN-ja e marrë nga skena e krimit, doli që një i dyshuar tjetër ishet i përfshirë në ngjarje. shkruan Abc News.
Avokati i Rrethit Gjyqësor Brunswick, Keith Higgins, tha se nuk do e ndiqte më çështjen, pasi doli që dikush tjetër i ka vrarë çiftin Harold dhe Thelma Swain. “Ka raste kur kërkimi i drejtësisë do të thotë të ndjekësh një person të gabuar”, tha avokati.
Perry pas vendimit të gjykatës për të shfuqëzuar vendimin, u shpreh se është i lehtësuar që më në fund e vërteta ka dalë në dritë. “Kjo aktakuzë ka qenë e varur mbi kokën time për më shumë se 20 vjet, dhe është një lehtësim që më në fund të mos shqetësohem më,” tha ai.
