SHBA, Rusia dhe Irani, vende të cilat e kthyen zonën në fushë rivaliteti pas luftës civile në Siri, tani lëvizin me axhenda të ndryshme.
Marrëveshja kritike e Iranit për PKK
Qëllimi kryesor i Iranit në Siri është mos rrezikimi i rrugës së ndihmave logjistike që i arrijnë Hizbullahut në Liban. Për këtë arsye, duke u marrë vesh me SHBA, po punon të sigurojë tërheqjen fazë pas faze të Forcave Speciale Amerikane nga zonat në kufirin Siri-Irak. Sipas pretendimeve, qeverisja e Teheranit në këtë çështje, në këmbim të mbështetjes së shtetit PYD-PKK që do të ndërtohet në Siri, ka kërkuar tërheqjen e mbështetjes të SHBA-ve në zonën Tanif.
Rusia lufton për gaz
Kurse Rusia, në procesin e fundit të ekuacionit në Siri, tërhoqi vëmendje me afrimin me SHBA. Tregues i kësaj ishte procesi i armëpushimit që u shpall me aleancën SHBA-Rusi në pjesën jugore të Sirisë por që ende nuk ka marrë plotësisht zbatim. Rusia e ndjeu nevojën e një armëpushimi të shpejtë për të siguruar kontrollin në pellgjet gaz-petrol dhe bazat në detin Mesdhe.
SHBA, po thur ëndrrën e një shteti Kurt
Kurse SHBA, e cila ka ndërtuar 11 baza ushtarake në zonat veriore të Sirisë të pushtuara nga PKK, ka për qëllim të filloj procesin e federalizmës me shpejtësi nën diskutimet ‘zgjidhje politike’. SHBA e cila ka dhe mbështetjen e Francës në këtë çështje, synon të kontrolloj me dorën PKK veriun e Sirisë. SHBA e cila vazhdimisht i shpërndan armë PYD, ka për qëllim të kontrolloj me dorën e PKK veriun e Irakut. Kjo do të thotë që një sipërfaqe prej 500 kilometra katror nga brigjet Eufrat të Munbiçit deri në Gjirin e Basras do të jenë në kontrollin e SHBA.
Turqia kërkon të ndalojë hanxharin
Kurse Turqia gjithë përqendrimin e saj e ka kurdisur në fshirjen e projektit të krijimit të shtetit të terrorit që kërkohet të ndërtohet me dorën e PKK në Veriun e Sirisë. Turqia pas dhe gjatë Operacionit Mburoja e Eufratit ka ndërtuar mbi 20 baza ushtarake në rajon nga Xherablusi në Azez dhe në zhvillimet e fundit ka futur në Siri shumë më tepër tanke dhe mjete të blinduara. Turqia po përgatitet të ndërhyj ushtarakisht në Afrin, vendin që njihet për vlerat strategjike dhe simbolike të organizatës terroriste PKK.
