Kryetari i Partisë Demokratike, Lulzim Basha ka zhvilluar një takim me ish-kreun e bashkisë së Nju Jorkut, Rudi Giuliani. Takimi mes tyre është zhvilluar në Tiranë.
Giuliani ka udhëhequr bashkinë e Nju Jorkut gjatë bombardimit të “Kullave Binjake” me 11 shtator 2001 , por gjithashtu njihet si njeriu që di të menaxhojë kauzat e ngritura, por padiskutim ka edhe akuza të forta ndaj tij. Ai konsiderohet si një ndër këshilltarët më të besuar të Trumpit në fushën e diplomacisë dhe sigurisë kombëtare, por që qëndron në “hije”.
Kjo natyrisht nuk është zyrtare, por mendohet se luan rolin e një këshilltari të distancuar për strategjitë kombëtare të Amerikës. Pas sulmit ndaj kullave binjake, Giuliani është sulmuar nga amerikanët, ndërsa e kanë quajtur si politikan të “dështuar”.
Por bashkëpunim me biznesmenin turk, duket si një lojë që ka ngjallur një “simpati në rënie” për figurën e tij, por këtë nuk mund deklarojmë si të sigurt.
Përmes një statusi në rrejtin social “Facebook”, Basha shkruan se: “Sot në Tiranë, pata nderin dhe kënaqësinë të takoj Rudy Guliani, simboli modern i luftës kundër krimit. Giuliani është shembulli si integriteti personal dhe ndjenja e shërbimit publik, janë arma më e fortë kundër së keqes”- shkruan Basha.
Ish-kryebashkiaku i qytetit të Nju Jorkut, Rudy Giuliani është zgjedhur për të përfaqësuar një tregtar të “anatemuar” të arit turk për të punuar në rrugën e tij, ndërsa kjo është përshkallëzimi i sanksioneve kundër Iranit.
Prokurorët në një deklaratë këtë të hënën thanë se Giuliani dhe ish-Prokurori i Përgjithshëm Michael Mukasey u caktuan për të përfaqësuar Reza Zarrab, i cili aktualisht është duke u mbajtur nën vëzhgim nga autoritetet. Dyshja republikane, është takuar me Presidentin Trump, por edhe me presidentin e Turqisë, Rexhep Erdogan muajin e kaluar për të diskutuar çështjen, sipas NYT.
Biznesmeni turk është arrestuar në mars 2016, i akuzuar për aranzhimin e miliona dollarëve në marrëveshje për Iranin dhe partitë e tjera të sanksionuara. Prokurorët më parë thanë se ai “mashtroi” një numër të madh bankash duke përpunuar marrëveshje të paligjshme, duke cenuar edhe interesat e Amerikës. Përfshirja e Giuliani dhe Mukasey krijon një konflikt interesi. Avokati Joon Kim shkroi në një letër drejtuar gjyqtarit Richard M. Berman duke bërë thirrje për një seancë gjyqësore.
Por Ben Brafman, avokati kryesor për Zarrab, tha në një përgjigje reaguese se prania e Giuliani dhe Mukasey nuk krijojnë një konflikt, sepse ata nuk janë të përfshirë në procedurat gjyqësore.Prokurorët kanë deklaruar përmes një letre se Giuliani dhe Mukasey janë angazhuar për të bërë “përpjekje për të shqyrtuar një dispozitë të mundshme të akuzave penale në këtë çështje”- shkruan nydailynews
Zarrab u arrestua vitin e kaluar kur mbërriti në Florida për të marrë gruan dhe vajzën e tij në Disney World. Ai u dërgua në Nju Jork bashkë me dy bashkëpunëtorë, të arrestuar edhe këta, ndërsa janë paditur për përdorimin e kompanive të rreme. Erdogan, ka qenë kundër SHBA-së, por edhe kundër Zarrabit, duke u thënë mediave turke se qeveria kishte “synime dashakeqe” sipas The New York Times. TIRANA TODAY
